'ఆచరణ వేదాంతం' (Practical Philosophy)

స్ఫూర్తి ఓం🙏

శ్రీ శ్రీ శ్రీ గురువిశ్వస్ఫూర్తి వారి దివ్య పాద పద్మములకు నమస్కరిస్తూ 🙏🌹🙏

ఆదర్శాలు మనిషికి - ఆలకించడానికే సుమా!

ఆచరణలో వాటికి - ఆదరణ కరువే!

చెప్పేవారికే తెలుసు - అవి, చేసేవి కావని!

అందుకే కావాలి - 'ఆచరణ వేదాంతం."

శ్రీ శ్రీ శ్రీ గురువిశ్వస్ఫూర్తి

నా అవగాహన:

మనుషులు కామం, క్రోధం, అసూయ, మోసం వంటి వాటికి దూరంగా ఉండాలని శాస్త్రాలు చెబుతాయి. కానీ పురాణాల్లో దేవతలు, ముక్కంటి (శివుడు) సైతం మోహానికి, వికారాలకు లోనైనట్లు చూపించడాన్ని గురుదేవులు ప్రశ్నిస్తున్నారు.

సృష్టిలో కష్టపడిన వారికి తగిన ఫలితం దక్కాలి అనేది ప్రకృతి సిద్ధమైన న్యాయం. క్షీరసాగర మథనంలో దేవతలు మరియు రాక్షసులు ఇద్దరూ సమానంగా శ్రమించారు.

కానీ ఫలితం వచ్చేసరికి మోహిని అనే మాయా రూపంతో రాక్షసులను మోసగించి అమృతాన్ని కేవలం దేవతలకే అందించడం జరిగింది.

దేవుళ్ళు చేస్తే దాన్ని 'లీల' అని, సామాన్య మనుషులు చేస్తే 'పాపం' అని ముద్ర వేయడాన్ని గురుదేవులు తార్కికంగా ఖండిస్తున్నారు. దేవుళ్లకే లేని విచక్షణ, నిగ్రహం మనుషుల నుండి ఎలా ఆశిస్తారు? అనేది గురుదేవులు సంధించిన ప్రధాన ప్రశ్న.

మనం దేవుళ్లను ఆరాధిస్తాం, వారి కథలను పురాణాలుగా వింటాం. కానీ వారి ప్రవర్తనను మన నిత్య జీవితంలో మోడల్‌గా (ఆదర్శంగా) తీసుకోలేము.

ఈ కథలను, ఆదర్శాలను ప్రచారం చేసే 'బోధకులకు' (గురువులకు/స్వాములకు) కూడా బాగా తెలుసు.ఈ కథలు ఆచరణకు పనికిరావు, కేవలం ప్రసంగాలకు మాత్రమే పనికొస్తాయని.

పరిష్కారం: 'ఆచరణ వేదాంతం' (Practical Philosophy)

కల్పితాల నుండి విచక్షణ వైపు:

కల్పిత కథలను, అద్భుతాలను గుడ్డిగా నమ్మడం ఆపి, కనీస విచక్షణతో ఆలోచించాలి.

నిజ జీవిత వేదాంతం:

మనిషికి స్వర్గాలు, మరుజన్మల ఊహల కంటే... ఈ రోజు, ఈ క్షణంలో జీవించడానికి ఉపయోగపడే "ఆచరణ వేదాంతం" కావాలి.

మానవత్వం మరియు క్రమశిక్షణ:

సమాజంలో శ్రమకు తగిన విలువ ఇవ్వడం, నిజాయితీగా బ్రతకడం, ఇతరులను మోసం చేయకపోవడం .ఇవే నిజమైన వేదాంతం అని గురుదేవులు స్పష్టం చేస్తున్నారు.

స్ఫూర్తి ఓం🙏

సుబ్బరాజు